Allbanaadir.com
NEWS

Danjiraha cusub ee Dowladda Mareykanka u fadhin doona Soomaaliya oo la ansixiyay

Aqalka Koongareeska ee dalka Mareykanka ayaa si aqlabiyad leh u ansixiyay danjiraha cusub ee dowladda Mareykanka u fadhin doona Soomaaliya, kaddib markii uu muddo xileedkiisa dhammaaday danjirihii hore ee Mareykanka u joogay dalkeenna.

Tallaabadan ee Aqalka Koongareeska Mareykanka ku ansixiyeen danjirahan cusub ayaa timid , kaddib markii Madaxweyne Joi Biden  bishii March ee sannadkan u magacaabay Richard H. Riley IV in uu noqdo danjiraha cusub ee Soomaaliya u joogi doonna.

Danjire Richard H. Riley IV ayaa waxa uu bedeli doonaa danjirihii hore ee dowladda Maraykanka u joogay Somalia, Ambassador Larry André oo xilkaasi hayey tan iyo bishii January sanadkii 2022-kii.

Ninkan cusub ee loo magacaabay danjiraha Mareykanka ee Soomaaliya ayaa ah diblumaasi khibrad badan leh, waxa uuna horey uga soo shaqeeyay dalal ay ka mid yihiin: UK, Raashiya, Canada, Pakistan, Shiinaha, Jamaica, Yemen, Afghanistan iyo Iraq.

Danjiraha cusub ee dowladda Mareykanka u fadhin doona Soomaaliya Richard H. Riley ayaa la filayaa in dhawaan Soomaaliya yimaado, si uu halkaasi si toos ah uga bilaabo shaqadiisa, waxa uuna halkeeda kasii wadi doonaa shaqada uu ka tagay danjirihii ka horreeyay.

Xafiiska Shabakada Allbanaadir.com
Muqdisho Somalia
Allbanaadir@live.com

 

Related posts

Dil ka dhacay Suuqa degmada Xamar Weyne iyo askari ka tirsan Booliska oo..

Caydiid Ali

Halista ay leedahay dhagaxtuurka Siyaasadeed ee ka dhanka ah Raisul Wasaaraha

Caydiid Ali

Soomaali laga soo tarxiilay Mareykanka oo maanta laga soo dejiyay Muqdisho (Daawo Sawirro)

Cabdi Cade