Ciidamada Mareykanka ayaa sheegay in ay gacanta ku dhigeen hoggaamiye sare oo ka tirsan kooxda isku magacowday Dowladda Islaamka ee Daacish. kaddib weerar ka dhacay Waqooyiga dalka Siiriya.
Wuxuu ahaa nin khibrad u leh samaynta bambooyinka iyo fududeynta howlgallada”, ayaa lagu yiri bayan kasoo baxay Isbaheysiga Mareykanku hogaamiyo.
Saraakiisha ayaa warbaahinta Mareykanka u sheegay in ninkaas lagu magacaabo Hani Axmed Al-Kurdi.
Ciidamada oo watay labo diyaaradood oo kuwa qumaatiga u kaca ah ayaa la geeyay magaalada Al-Humayra, oo ku dhow xudduud Turkiga ee gobolka Xalab ee mucaaradka ay maamulaan.
Qof ka mid ah dadka deegaanka Al-Humayra ayaa sheegay inay ciidamadu weerareen guri ku yaalla cirifka tuulada ay ku sugnaayeen dad ka barakacay magaalada Xalab.
“Markii ay diyaaradihii helikabtarka ahaa baxeen waxaa naloo sheegay iney halkaas ka wateen nin ay baadi goobayeen” ayuu yiri goob ku sugan degaankaas
