Wasiirka Amniga Maamulka Jubbaland Cabdirashiid Xasan Nuur (Janan) ayaa ugu baaqay Madaxweynaha Soomaaliya Maxamed Cabdullaahi Farmaajo inuu dhibaatada ka daayo shacabka ku nool gobolka Gedo.
Janan ayaa sheegay in dowladda Soomaaliya ay degmooyinka gobolka Gedo diyaarado ku geysay ciidamo ay sheegtay in ay yihiin kuwo la dagaallamaya Kenya, arrintaasoo uu sheegay iney tahay mid qaldan.
“Wixii dhibaato ah oo ka dhasha ciidankaas waxaa mas’uuliyadooda qaadi doona Madaxweyne Farmaajo” ayuu yiri Janan.
Wasiirka oo warbaahinta kula hadlay degmada Mandhera ee xadka dalka Kenya ayaa ugu baaqay Madaxweynaha Somalia inuu iscasilo oo uu qaato talooyinka uga imaanaya bulshada Soomaaliyeed si uusan dalku u burburin.
“Ilmo adeer baan nahay Farmaajo waxaan kula talinayaa inuu is casilo oo dalka dhaafo qaatana talada musharixiinta Muqdisho jooga u soo jeediyeen, in dalka laga qabtana kaalin ayaan ka qaadanayaa” ayuu yiri Wasiir Janan.
Xafiiska Shabakada Allbanaadir.com
Muqdisho Somalia
Allbanaadir@live.com
