Wasaaradda caafimaadka Xukuumadda federaalka Soomaaliya ayaa faahfaahisay wararkii ugu dambeeyay ee cudurka Covid-19 ee gudaha dalka.
War qoraal ah oo kasoo baxay wasaaradda ayaa lagu sheegay in dalka laga helay 33 kiisas cusub oo Coronavirus ah.
Meelaha laga helay ayaa kala ah Somaliland:7, Puntland: 21, Galmudugna 5 kiis ayaa laga diiwaan geliyey, iyadoo gobolka Banaadir aan laga helin kiisas cusub oo la xiriira cudurkan sida ku xusan qoraalka Wasaarada.
Wasaaradda ayaa sheegtay in cudurka 24-kii saac ee lasoo dhaafay ay ka bogsadeen 36 ruux taasoo tirada guud ee bogsashada ka dhigeysa 818, halka dhimashadu ay mareyso 90 qof.
Wadarta guud ee tirada Covid-19 laga helay guud ahaan dalka ayaa gaartay 2,812 waxayna u muuqataa in cudurka uu haatan ku socdo marxalad gaabis ah ah dalka oo dhan.
Xafiiska Shabakada Allbanaadir.com
Muqdisho Somalia
Allbanaadir@live.com
