Raisul Wasaaraha Itoobiya Abiy Axmed ayaa baraha bulshada gaar ahaan bartiisa twitterka ku shaaciyey qariirada Soomaaliya oo ay ka maqan tahay Somaliland.
Waxaa sawirka khariidadan la socday ereyo kooban oo afafka amxaariga iyo English-ka lagu qoray oo macno ahaan noqoneysa “Xoriyadda dalkeena, barwaaqada dalkeena.” taasoo dad badan ka yaabisay.
Lama oga sababta ay Abiy Ahmed boggiisa ugu soo daabacay sawirkan iyo ujeedada uu ka lahaa, iyadoo saacad ka dib sawirkaas laga saaray bogga raisul wasaaraha Itoobiya.
Itoobiya ayaa horey boggeeda rasmiga ah ee wasaarada Arrimaha Dibadda ugu shaacisay qariirad sheegaysa in dhulka Soomaaliya oo dhan uu ka mid yahay Itoobiya.
Abiy Axmed ayaa sanadkii 2018 sheegay in qorshihiisu yahay inay Somalia iyo Ethiopia hal dal isku noqdaan mustaqbalka.
Khariidadan ayaa waxaa si weyn uga carooday shacabka Soomaaliyeed, iyagoo baraha bulshada kaga falcelinaya aragtooda ku aadan arintan yaabka leh.
HOOS KA DAAWO SAWIRKA KHARIIDADA UU SOO BANDHIGAY ABIY AHMED
Xafiiska Shabakada Allbanaadir.com
Muqdisho Somalia
Allbanaadir@live.com
