Urur goboleedka IGAD ayaa si faahfaahsan uga hadlay xaaladihii ugu dambeeyay ee Galmudug, iyadoona qoraalka aan lagu soo hadal qaadin Doorashadii maanta ka dhacday Magaalada Dhuusamareeb.
Qoraal ay soo saartay IGAD ayaa waxaa lagu sheegay inay si dhow ah ula socdaan xaalada maamul dhisida Galmudug tan iyo markii ay heshiis wada gaareen Galmudug iyo Ahlusunna, kaasoo ka dhacay Dalka Jabuuti.
IGAD ayaa bogaadisay dadaalada ay sameeyeen dhamaan dhinacyada kala duwan ee Galmudug, kuwaasoo lagu doonayay in lagu dhiso Galmudug mideysan oo loo dhan yahay.
Ururka ayaa guud ahaan dhinacyada isku haaya Galmudug ugu baaqay inay ka fogaan wax kasta oo sababi kara fowdo iyo rabshado, waxaana dhinacyada la faray iney Khilaafkood wadahadal ku dhameeyaan.
Qoraalka kasoo baxay Urur Goboleedka IGAD laguma soo hadal qaadin Madaxweynaha Cusub ee Galmudug Axmed Cabdi Kaariye Qoor-qoor, waxaana dhashay su’aalo iyo shaki ku saabsan arrintan hase ahaatee IGAD ayaa saacado ka dib soo saartay qoraal kale oo ay ugu hambalyeyneyso Madaxweyne qoor-qoor iyo ku-xigeenkiisa.
Xafiiska Shabakada Allbanaadir.com
Muqdisho Somalia
Allbanaadir@live.com
