Saraakiil ka tirsan ciidamada Mareykanka ayaa maanta gaaray degmada Maxaas ee Gobolka Hiiraan oo ka mid ah degaanadii dhowr bilood ka hor laga saaray Al-shabaab
Guddoomiyaha degmada Maxaas Muumin Maxamed Xalane Taliyaha ciidanka Dib-u-xoreynta deegaanka Maxamed Cismaan Ganeey iyo madax ka mid ah maamulka degmada Maxaas ayaa soo dhaweeyey saraakiishaasi.
Madaxda maamulka degmada Maxaas ayaa warbaahinta u sheegay in socdaalka saraakiisha Mareykanka uu ku qotomo dar-dar gelinta wajiga labaad ee howlgalka ka dhanka ah Al-shabaab oo dhowaan ka bilaabanaya qeybo ka mid ah dalka.
Saraakiisha Mareykanka ayaa ciidamada deegaanka iyo kuwa dowladda maamulka degmada Maxaas iyo qeybaha bulshada degmadaasi ku ammaanay sida aay isaga dul qaadeen Al-Shabaab, iyaga oo u sheegay inay garab taagan yihiin.
Dowlada Somalia iyo ciidamada ATMIS ayaa isku diyaarinaya wejiga labaad ee howlgalka Al-shabaab looga saarayo dalka kaasoo haatan la sheegayo inuu marayo heer gebagebo ah.
Ciidamada Mareykanka ee jooga Somalia ayaa ciidamada dowlada ka taageera dagaalka ay kula jiraan al-shabaab, taageeradaasoo iskugu jirta tababarka, saadka iyo duqeymaha cirka ah.
Xafiiska Shabakada Allbanaadir.com
Muqdisho Somalia
Allbanaadir@live.com
