Wasiirka arrimaha dibeda ee Somalia ayaa maanta xafiiskiisa ku qaabilay Wasiirka horumarinta Caalamiga ah ee Norway Mss. Anna Beathe Tvinnereim oo booqasho ku joogta Muqdisho.
“Waxaan maanta qaabilay wafdi ay hogaaminayso Wasiirka horumarinta Caalamiga ah ee dalka Norway Mss. Anna Beathe Tvinnereim oo booqasho labo maalmood ah ku timid dalkeenna” ayuu yiri Wasiirka oo intaas ku daray”
“Waxaan ka wada hadalnay sidii aan u xoojin lahayn xiriirka labada dal, anigoo uga mahadceliyay dowladda Norway martigelinta kumanaan Muwaadiniin Soomaali ah oo hadda bulshada dalkaasi qayb muhiim ah ka noqday, Waxaa kale oo aan uga mahadceliyay mashaariicda horumarinta iyo taageerada kale ee dowladda Norway ay dalkeenna la garab taagan tahay”
Wasiirka ayaa xusay in Soomaaliya iyo Norway ay leeyihiin cilaaqaad Diblomaasiyadeed oo saameeya dhinacyada amniga, horumarka iyo iskaashiga arrimaha hortabinta u leh labadeenna dal ee fagaarayaasha caalamiga ah.
Xafiiska Shabakada Allbanaadir.com
Muqdisho Somalia
Allbanaadir@live.com
