Waxaa xalay magaalada Baledweyne ee xarunta gobolka Hiiraan ruxay qaraxyo xooggan oo dhaliyay khasaaro isugu jira dhimasho iyo dhaawac, waxa ayna xalay magaalada gashay jawi cabsi iyo mugdi badan .
Qaraxa lagu dilay xildhibaand Aamina Maxamed Cabdi oo ka dhacay meel ammaankeeda si weyn loo adkeeyay gaar ahaan xerada Lamagalaay ayaa khasaaraha dhimasho ee ka dhashay ka sokow dhaliyay khasaaro bur bur oo aad u xoogan.
Sawirro laga soo qaaday goobaha uu qaraxu ka dhacay gaar ahaan goob ku dhaw Isbitaalka Balaedweyne ayaa muujinaya bur burka dhismayaal ku yaalay goobta uu qaraxu ka dhacay iyo sidoo kale gaadiid goobta yaalay oo iyana bur bur soo gaaray.
Qaraxa lagu dilay xildhibaan Aamina Maxamed iyo qaraxyadii kale oo lasoo qorsheeyay ayaa ahaa mid aad u xoog badnaa, waxaana qaraxan sidoo kale ku dhintay dad kale oo goobta ka agdhawaa uu ku jiro xildhibaan hore .
