Madaxweynaha muddo xileedkiisu dhamaaday ee Soomaaliya Maxamed Cabdullaahi Farmaajo ayaa Xeer Madaxwayne Darajadii Ciidanka uga xayuubiyay Taliyihii hore ee Booliska Gobalka Banaadir Saadaq Cumar (Saadaq Joon)
Xeerka Madaxwaynaha waxaa sidoo kale looga xayuubiyay Saadaq Joon wixii xuquuq ah ee uu lahaa ka hor Darajo ka xayuubinta ee sharcigu tilmaamayay sida ku xusan wareegtada Madaxweynaha.
Saadaq Joon ayaa xilka laga qaaday, kaddib markii uu soo saaray amar uu ku sheegayo in uu is hortaagay oo hakiyey kulankii baarlamaanka ee maanta.
Hadalka Saadiq ayaa ku soo beegmayey xilli shalay baarlamaanka Soomaaliya u ballansanaa kulan ajendihiisu ahaa doorashada. baarlamaanka ayaa gelinkii dambe ee ansixiyay muddo kordhin muran badan dhalisay oo 2 sano ah.
Taliye Saadaq Joon ayaa xilligaas faray xildhibaannada Baaralamaanka inay doorasho u aadaan deegamadoodi, oo ay qalalaase u horseedin dalka, isagoo sidoo kale raisal wasaaraha u sheegay inuu masuuliyiddiisa iyo doorkiisa guto.
