Madaxweynaha Galmudug Axmed Ducaale Geele Xaaf ayaa muddo kadib waxa uu ka hadlay xaalada Dowlad Goboledka Galmudug iyo isbedelada ka socda.
Waxaa uu sheegay in uu ka shaqayn waayay dad Galmudug kasoo jeeda kuwaasoo buu yiri curyaamiyay horumarka iyo dawladnimada Galmudug labadii sano ee uu madaxweynaha ka ahaa Galmudug.
Madaxweynaha maamulka Galmudug Axmed Ducaale Geele Xaaf ayaa sheegay in uu ka taanasulay xilkii uu ka hayay maamulkaasi cidii la keenana uu la shaqeyn doono.
Waxa uu Xaaf sidoo kale bulshada reer Galmudug ugu baaqay in ay ka tashadaan aayahooda iyo cidii hogaamin lahayd isla markaana ay la shaqeeyaan madaxdooda.
Maamulka Galmudug ayaa lagu wadaa in dhawaan ay ka dhacdo doorasho loo dhan yahay iyadoo dhinaca kale uu khilaaf ka taagan yahay halkii lagu qaban lahaa.
Xafiiska Shabakada Allbanaadir.com
Muqdisho-Somalia
Allbanaadir@live.com
