Diyaaradaha Air France iyo Austria Airlines ayaa joojiyay duulimaadyadii ay ku tagi jireen caasimadda Iran ee Tehran.
Hawada Iran ayaa sidoo kale faaruq ah markii diyaaradaha caalamiga ah ay joojiyeen adeegsigeeda, sababo la xiriira khatarta amni ee ka dhalan karta haddii Iran ay qaado weerarro aargoosi ah oo ay ku beegsanayso Israa’iil.
Waxaa kalo jira in dalalka reer galbeedka ay ku wargeliyeen muwaadiniintooda inay si deg deg ah uga soo baxaan Iran.
Faransiiska ayaa diblomaasiyiintiisa kala baxay safaaradiisa Magaalada Tehran.
Gobolka ayaa heegan sare ku jira ka dib markii Iran ay wacad ku martay inay ka aargudan doonto weerar Israa’iil ku qaaday qunsuliyadda ay ku leedahay caasimadda Suuriya ee Dimishiq.
- Advertisement -
