Allbanaadir.com
NEWS

Hoggaamiyaha Maamulka SSC-Khaatumo oo Magacaabay taliye ciidan

Hoggaamiyaha Golaha Fulinta Maamulka SSC-Khaatumo, Mudane Cabdiqaadir Axmed Aw-Cali ayaa Taliyaha Ciidanka Xasillinta Amniga Magaalada Laascaanood u magacaabay Gaashaanle Siciid Xasan Faarax.

“Hoggaamiye Cabdiqaadir oo mudnaanta kowaad siinaya ammiga iyo xasilloonida Laascaanood ee Caasimadda SSC-Khaatumo iyo guud ahaan deegaanada SSC ayaa ku soo xulay Gaashaanle Siciid Xasan Faarax aqoonta iyo waayo-aragnimada uu u leeyahay hoggaaminta, sugidda iyo hawlaha la xiriira xasillinta” ayaa lagu yiri War-saxaafadeed ka soo baxay maamulka Khaatumo SSC.

Taliyaha iyo Ciidanka Xasillinta Ammaanka Magaalada Laascaanood ayuu Hoggaamiyuhu faray in ay si daacad ah, hawl-karnimo ku dheehan tahay u gutaan waajibaadka loo igmaday.

Hoggaamiyaha Golaha Fulinta ee Maamulka SSC-Khaatumo, Mudane Cabdiqaadir Axmed Aw-Cali ayaa Dhinaca kale faray Ciidanka Xasillinta Amniga magaalada Laascaanood inay si daacadnimo ah, hawl-karnimo ku dheehan tahay u gutaan saddexda waajibaad ee loo igmaday, kuwaasoo kala ah; Xasillinta amniga gudaha magaalada iyo baraha magaalada laga soo galo,  la dagaalanka maandooriyaha iyo suulinta hubka aan ammaanka ka shaqeyneyn ee magaalada lagu dhex sito.

Related posts

Madaxweynihii hore ee Galmudug oo caawa geeriyooday & Qoorqoor oo ka hadlay

Caydiid Ali

Riyadii Quruxda badneyd ee Jiifka iidiiday, Allow Run ka dhig !!! .

Cabdi Cade

Siyaasiyiin Xildoon ah oo buux dhaafiyay guriga Madaxweyne Xasan Sheekh

Cabdi Cade
Taboola Ads ---