Taliyeyaal ka tirsan ciidamada gaarka ee Mariiniska Mareykanka ayaa loo oggolaaday inay dib u shaqo galaan, ka dib markii lagu waayey eedeymo ahaa inay kufsadeen qaar ka mid ah Haweenka ka tirsan Ciidamada Maraykanka ee ku sugan gudaha dalka Somalia ee ay jaalka ahaayeen.
Saraakiishan oo lagu kala magacaabo Taliye Jarrod Donaldson iyo Jon Franklin waxaa bishii May ee sanadkan dib loogu celiyey dalka Maraykanka, waxaana loo sheegay inay dib u shaqo geli karaan, inkastoo ay muteysan doonaan Ciqaab dhanka Maamulka ah.
Saraakiisha Difaaca ee Maraykanka waxay sheegeen in mid ka mid Taliyayaashaasi lagu soo eedeeyey inuu xodxodasho ah kula kacay Askariyad Maraykanka, xilligii askartaasi loo daad-gureynayey howlgalka ka socda Soomaaliya.
Dhinaca kale, Labada Sarkaal ee loo fasaxay inay dib u hawl-galaan waxay ka tirsan yihiin ciidamada gaarka ee Mariniska Maraykanka ee US Navy Seal ee ka hawlgala Saldhigyadda Milliteriga Maraykanka ku leeyihiin dalalka Jabuuti iyo Somalia.
Xafiiska Shabakada Allbanaadir.com
Muqdisho Somalia
Allbanaadir@live.com
