Taliska Hay’adda Nabad Sugidda iyo Sirdoonka Koonfur Galbeed ayaa soo bandhigay sarkaal la sheegay inuu ka soo goostay Al-Shabaab kaasoo lagu magacaabo Ciise Cumar Deerow Isxaaq.
Sarkaalkan ayaa la sheegay inuu Al-Shabaab u qaabilsanaa Weeraradda, isagoo kooxda ka tirsanaa muddo 8-sano ah sida uu sheegay.
“Waxaan amiir ama hogaamiye u ahaa koox Jabhad ah oo tira ahaan gaareysa 400” ayuu yiri Ciise Cumar Deerow Isxaaq.
Waxaa uu intaas ku daray inuu qeyb ka ahaa dagaalo dhowr ah oo ka dhacey Gobolada Jubbooyinka iyo Bay, Waxaana sidoo kale Hay’adda Nabadsugidda ay soo bandhigtey hub uu kala soo goostey Al-shabaab oo ay kamid yihiin 2-qori oo AK-47 & 1-BKM ah.
- Advertisement -
