Doorashada xubnaha Aqalka Sare ku metelaya dowlad goboleedka Hirshabelle ayaa goor dhow ka bilaabatay Magaalada Jowhar ee caasimada dowlad goboleedka Hirshabelle.
Doorashada oo lagu waday iney saaka barqadii bilaabato ayaa saacado badan dib u dhacday sababo la xiriiray ololaha musharaxiinta oo si xowli ah u socday, iyadoo lacago fara badan lakala qaatay.
Saddex ka mid ah 8da kursi ee Aqalka Sare ayaa ka bilaabatay magaalada Jowhar, iyadoo Musharaxiinta ay isugu jiraan kuwo hore ugu fadhiyay kursiga iyo kuwa cusub oo la tartamaya.
Kursiga koowaad waxaa ku tartamaya
- Muuse Suudi Yalaxow
- Cabdullahi Sheekh Xasan
- Axmed Xasan Cadow Daaci iyo
- Dr. Xasan Cadaay Cali.
Kursiga labaad ayaa waxaa isku haya
- Maxamed Cusmaan Dhega-Juun
- Nuur Maxamed Geedi (Canjeex)
Sidoo kale waxaa la sheegay inay maanta kursiga 3aad ku tartami doonaan.
- Fartuun C/qaadir Faarax
- Sacdiya Yarrow Aadan
Dhammaan kuraasta ayaa noqon doonaan kuwo si adag loogu tartamo iyadoo aysan jiri doonin sida filayo isu tanaasul.
LA SOCO NATIIJADA IYO WIXII KU SOO KORDHA
Xafiiska Shabakada Allbanaadir.com
Muqdisho Somalia
Allbanaadir@live.com
