Waxaa maanta magaalada Muqdisho kulan ku yeeshay Hogaamiyaha Xisbiga Wadajir Cabdiraxmaan Cabdishakuur Warsame iyo ergayga gaarka ah ee xoghayaha guud ee Qarammada Midoobay Soomaaliya u qaabilsan Ambasador James Swan.
Kulanka ayaana labada dhinac uga wadahadleen xaalada siyaasadeed ee dalka gaar ahaan arimaha doorashooyinka iyo sidii Qaramada Midoobay gacan uga geesan laheyd fulinta heshiisyadii ay gaareen Dowlada Federaalka iyo Dowlad Goboleedyada.
”Waxaan galabta kulan wada qaadannay ergayga gaarka ah ee xoghayaha guud ee Qarammada Midoobay Soomaaliya u qaabilsan Ambasador James Swan. Waxaan ka wada hadalnay aragtideenna ku aaddan heshiiskii laga gaaray doorashooyinka iyo kaalinta ay QM ka qaadan karto fulinta heshiiska.” ayuu yiri Cabdiraxmaan Cabdishakuur.
Hogaamiyaha Xisbiga Wadajir ayaana magaalada Muqdisho kulamo kala duwan kula qaatay qaar kamid ah Wakiilada Beesha Caalamka u jooga Soomaaliya kuwaa uu inta badan kala hadlayay arimaha doorashada iyo sidii waqtigeeda ugu dhici laheyd.
Xafiiska Shabakada Allbanaadir.com
Muqdisho Somalia
Allbanaadir@live.com
