Masjidka la dhisay qarnigii 17aad oo dhaca bartamaha Istanbul ayaa darbi-jiifta u sameynaya adeegyada aa-aasiga ah sida suuli ay ku qubeystaan; cunnooyin bisil oo ay cunaan iyo maryo ay hugadaan.
‘Kani waa masjidka qura oo si maalinle ah ay ugu qubeysan karaan gudihiisa 50 qof oo darbi-jiif ah,’ ayuu yiri Imam Osman Gokrem, oo 52 jir ah, kaas oo 17 sannadood ka shaqeynaya Masjidka.
‘Markii hore saddex iyo afar ay u imaan jireen maalin walba; hadda 50 qof ayaa joogto usoo aada,’ ayuu sii raaciyay. Waxaan waligay is weydiin jiray halka ay ku meyraan; kana helaan cunnada iyo dharka ay u baahan yihiin, maadaama cidna uusan muhiimad siineyn noloshooda.’
Imamku wuxuu Sabti walba siiyaa darbi-jiifta cunnooyin bisil. Wuxuu sidoo kale u sahlaa inay helaan dhar ay xirtaan oo uu kaga soo ururiyo jamaacada masjidka.
Wuxuu sidoo kale u xiiraa timaha si ay muuqaal ahaan usoo ifaan, waxa uu sidoo kale Imamka Masjidka ugu yeeray qof walba oo samafale ah inuu ciyaaro kaalintiisa caawineed.
