Wasiirka Maaliyadda Soomaaliya Mudane Dr. Cilmi Maxamuud Nuur ayaa ka qeyb galay furitaanka shirka sanadlaha ah ee Bangiga Horumarinta Islaamka (ISDB-2023) oo sanadkan lagu qabanayo Magaalada Jidda ee Boqortooyada Sacuudi Carabiya.
Mudane Dr. Cilmi Maxamuud Nuur ayaa sidoo kale inta uu ku sugan yahay Magaalada Jidda waxa uu kulamo gaar gaar ah la qaadan doonaa madaxda ka qeyb galaysa shirka Bangiga Horumarinta Islaamka, isagoo kala hadli doona arrimaha horumarinta Maaliyadda Soomaaliya.
Daah-furka Shirka ayaa waxaa khudbad qiimo leh ka jeediyay Mudane Dr. Muhammad Al-Jasser, oo ah Guddoomiyaha Bangiga Horumarinta Islaamka oo ka hadlay dedaalada lagu horumarinayo dhaqaalaha dalalka islaamka iyo talaabooyinka la qaaday.
“Ku dhawaad nus qarni, Bangiga Horumarinta Islaamka wuxuu sameeyay dadaallo weyn si ay u taageerto ganacsiga gobolka iyo maalgashiga dalalka xubnaha ka ah,” ayuu yiri Al-Jasser.
“Daraasaduhu waxay muujiyeen in kharashka ku baxa ganacsiga Bariga Dhexe iyo Waqooyiga Afrika uu laba jibaar ka badan yahay kuwa Midowga Yurub taas oo muujinaysa baahida loo qabo cabbirka iyo hagaajinta isdhexgalka dhaqaale ee gobolka Carabta. Bangiga Horumarinta Islaamka wuxuu sii waddaa inuu ka shaqeeyo xoojinta iskaashiga ka dhexeeya hay’adaha gobolka, fududaynta hawlgelinta heshiisyada dhinacyada badan leh, iyo bixinta tas-hiilaad Maaliyadeed oo lagu taageerayo mashaariicda isku xirka dalalka,” ayuu ku daray madaxweynaha Bangiga Horumarinta Islaamka.
Kalfadhiga heerka sare ah ayaa faahfaahiyay sida ururada caalamiga ah ee labada dhinac ee dawliga ah iyo kuwa gaarka loo leeyahay ay u dhaqaajin karaan talooyinka warbixinta, iyagoo muujinaya booska IsDB Group oo ah u doodaha iskaashiga gobolka iyo doorka ay ku leedahay caawinta yaraynta caqabadaha caalamiga ah.
Natiijooyinka warbixinta ayaa loo diyaariyey si waafaqsan “IsDB Integration Index”, oo ah tirakoob ballaaran oo la sameeyay 2022 oo loo qaybiyay shan qaybood oo kala duwan, kuwaas oo kala ah, isdhexgalka ganacsiga iyo maalgashiga, isdhexgalka suuqyada maaliyadeed, shabakadaha wax soo saarka, isku xirka iyo saadka iyo dhaqdhaqaaqa aadanaha iyo is dhexgalka hay’adaha. Iyadoo lagu salaynayo 22 tilmaame ee lagu qeexay tusmada, “Warbixintii Is-Dhexgalka Kooxda IsDB” ee ugu horeysay ayaa la soo gabagabeeyay oo la bilaabay Noofambar 2022.
Xafiiska Shabakada Allbanaadir.com
Muqdisho Somalia
Allbanaadir@live.com
