Warar soo baxaya ayaa sheegaya in kooxda Al-Shabaab sii deysay labo dhaqtar oo u dhashay dalka Cuba kuwaas oo ay sanadkii hore kasoo afduubteen magaalada Mandera, gobolka Waqooyi-bari Kenya.
Wakaaladda wararka ee AP, ayaa ku warantay in dhaqaatiirtan u dhalatay dalka Cuba la sii daayay dhammaadkii isbuucii hore hore, waxa ayna Wakaalada sheegtay in dhaqaatiirta lagu sii daayay wada xaajood mudo socday.
Labada dhaqtar ee xuriyadooda helay oo lagu kala magacaabo Landy Rodriguez iyo Herera Correa ayaa afduub loo heystay muddo sanad iyo bar ah, waxaana dowlada Cuba dadaal ku bixisay sidii dhaqaatiirtaasi loo sii deyn lahaa.
Wasiirka Arrimaha Dibadda dalka Cuba Bruno Rodriguez ayaa bartiisa Twitter-ka qoraal uu ku soo qoray ku sheegay in labada dhaqtar la sii daayay isagoo dowladda Soomaaliyana u mahad celiyay.
Al Shabaab ayaana wali ka hadlin dhaqaatiirtan ee sii daayeen, waxaana Warar soo baxaya sheegayaan in Al Shabaab sii deynta dhaqaatiirtan mudada u xirnaa ku badasheen lacago badan oo madax furasho ahaan loo siiyay.
Xafiiska Shabakada Allbanaadir.com
Muqdisho Somalia
Allbanaadir@live.com
