Xalay saqdii dhexe ayaa Ciidamada Kumaandoska Soomaaliya oo ay wehlinayeen kuwo Mareykan ah waxay weerar ku qaadeen Saldhig Al-Shabaab ku leeyihiin deegaano ka tirsan gobolka Shabeellaha dhexe.
Weerarkaas oo isugu jiray cir iyo dhul ayaa lagu qaaday Xarumo Al-Shaabab ku leeyihiin degaanka Gamboole ee gobolka Shabeellaha Dhexe sida ay sheegeen Mas’uuliyiin ka tirsan Maamulka Hir-Shabelle.
Duqeyn dhinaca cirka ah oo ay fulinayeen diyaarado dagaal ayaa barbar socday weerarkaas iyadoo mas’uuliyiin ka tirsan Hir-Shabeelle ay sheegeen in lagu dilay weerarkaas 8 ka tirsan xoogaga Al-shabaab oo ay ku jiraan saraakiil.
Ma jiraan warar madax banaan oo xaqiijinaya khasaaraha weerarkan balse xaalada degaanka Gamboole ayaa saaka kacsan, waxaana la sheegay in Al-Shabaab ay wadaan dhaq dhaqaaqyo ciidan.
Xafiiska Shabakada Allbanaadir.com
Muqdisho-Somalia
Allbanaadir@live.com
