Allbanaadir.com
NEWS

Khuburo baaritaanno ku bilaabay Kalluunka Homboro oo kusoo caariyay Boosaaso

Maamulka  Puntland oo adeegsanaysa khubaro aqoon durugsan u leh Cilmiga badda iyo Seyniska ayaa baaritaan rasmi ah ku bilowday sababta keentay in Kalluun badan ka soo caariyo xeebta magaalada Boosaaso.

Wasaaradda Kalluumeysiga Puntland oo kaashanaysa wasaaradda degaanka iyo Isbeddelka Cimilada ayaa baaritaan ku bilowday sababta keentay in uu xeebta Boosaaso dibadda uga soo baxo kalluun badan oo nooca Homboborada loo yaqaan ah kaasi oo ay ku jiraan tiro ka badan 100 oo dhintay.

Mas’uuliyiinta wasaaradda Kalluumeysiga Puntland oo ay weheliyaan khubaro ka socda jaamacadaha oo aqoon u leh Culuumta badda ayaa booqday goobtii uu ka soo caariyay kalluunka badan waxaana ay dhecaanno ka soo qaadeen in ka badan 100 Homboro oo dhintay halka ay muunad (Sample) ka soo qaadeen biyihii badda ee soo tufay kalluunkaasi.

Wasaaradda Kalluumeysiga Puntland ayaa sheegtay in baaritaan cilmiyaysan loo dirayo dhecaannada Homborada iyo muunadda laga soo qaaday biyaha badda si loo ogaado sababaha keenay in baddu soo tufto kalluun intaasi tiro le’eg oo dhintay.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Axmed Madoobe oo booqday Deegaanno uu ku fatahay Wabiga Jubba (Sawirro)

Cabdi Cade

La taliyihii Madaxweyne Trump ee arrimaha ololaha doorashada oo xabsiga loo taxaabay

Caydiid Ali

Dowlada Somalia oo ka gaabsatay in ay taageero u muujiso dowlada Turkiga !!

Cabdi Cade
Taboola Ads ---