Allbanaadir.com
NEWS

Laftagareen oo kulan xasaasi ah la qaatay Xubnaha Aqalka sare ku matela (Sawirro)

Madaxweynaha dowlad goboleedka Koonfur Galbeed Mudane Cabdicasiis Xasan Maxamed Laftagareen ayaa kulan gaar ah Bayhabo kula qaatay xildhibaanada Aqalka Sare ee Baarlamaanka dalka, kuwaa oo  deegan doorashadoodu ay tahay Koonfur Galbeed

Madaxweyne Laftagareen iyo Xildhibaanada Aqalka Sare ayaa kulankooda waxa ay kaga wada hadleen arrimaha taagan ee siyaasada dalka, hormarinta bulshada iyo amniga guud ee deeganada maamulka Koonfur Galbeed.

Cabdicasiis Laftagareen ayaa xildhibaanada Aqalka Sare uu la kulmay uga warbixiyay kulmadii uu la qaatay Ra’isul Wasaaraha Xukuumadad Soomaaliya oo Baydhabo ku sugnaa muddo labo maalin ah, iyo natiijada kasoo baxday kulamadaasi.

Madaxweyne Laftagareen ayaana ka codsaday xildhibaanada Koonfur Galbeed in ay noqdaan kuwa isku xiran oo difaacda maamulkooda, waxa uuna xusay in jiritaanka Koonfur Galbeed leeyahay cadaw badan , kuwaa uu sheegay in looga adkaan karo isku duubmi.

Madaxtooyada Soomaaliya iyo Madaxweynaha maamulka Koonfur Galbeed ayaa waxaa soo kala dhax galay khilaaf , kaa oo ka dhashay qorshe uu Madaxwerynaha Koonfur Galbeed ku doonayo in uu ku qabsado doorasho uu mar kale isaga kusoo baxayo.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Madasha hab-maamulka Internetka Soomaaliya oo Muqdisho ka furmay

Cabdi Cade

Villa Soomaaliya oo soo bandhigtay Todobo qodob oo ay ku heshiiyeen Soomaaliya iyo Eritrea (Sawirro)

Cabdi Cade

Ogow Sababta aan Wali Xukunka dilka ah loogu fulin ragii dilka iyo Kusfiga u geestay Caa’isha Ilyaas

Cabdi Cade
Taboola Ads ---