Allbanaadir.com
NEWS

Mareykanka oo ka hadlay Khasaaraha ka dhashay Duqeyn ay shalay ka geesteen Puntland

Diyaaradaha dagaalka dowladda Mareykanka oo garab siinayay ciidanka dowladda Federaalka Soomaaliya ayaa duqeyn culus shalay ka fuliyay deegaanno dhaca buuraha gobolka Bari ee Puntland.

War kasoo baxay taliska ciidamada Mareykanka ee Africom ayaa lagu sheegay in duqeynta shalay oo taariikhda aheyd 31-da bisha May duqeyn ku dileen saddex xubnood oo katirsanaa kooxda Daacish.

Mareykanka ayaana sheegay duqeynta ay iska kaashadeen ciidankooda iyo kan dowladda Soomaaliya, waxa ayna duqeynta ka dhacday deegaanka Dhardhaar oo qiyaastii 81-KM dhanka Koonfur Bari kaga beegan magaalada Boosaaso ee xarunta gobolka Bari.

“Soomaaliya ayaa weli muhiim u ah ammaanka Bariga Afrika. Ciidamada Maraykanka ee Afrika waxay sii wadi doonaan tababaridda, latalinta iyo qalabaynta ciidamada saaxiibada la asih, ay u soo qabtaan ISIS.” ayaa lagu yiri warka kasoo baxay Africom.

Maamulka Puntland ayaana ka hadlin duqeyntan ay iska kaashadeen ciidanka dowladda Soomaaliya iyo kuwa Mareykanka ee ka dhacay buuraha gobolka Bari, Puntland ayaana horey u beenisay duqeyn isbuucii hore dhacday in ciidanka DFS ay ku lug lahaayeen.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Qaar kamid ah Wadooyinka Muqdisho oo saakay la xiray iyo Sababta keentay

Cabdi Cade

Soomaaliya oo lagu sifeeyay Dharigii labada dhinac ka gubtay

Cabdi Cade

Hub iyo Gaadiid dagaal oo lasoo galiyay Muqdisho iyo Ujeedka ka dambeeya oo la ogaaday

Cabdi Cade
Taboola Ads ---