Israa’iil ayaa si toos ah u joojin doonta fiisaha ay siiso shaqaalaha Qaramada Midoobay sida uu sheegay afhayeen u hadlay.
Isagoo ka hadlayay shir jaraa’id , afhayeenka Xukuumadda Israel Eylon Levy wuxuu ku eedeeyey saraakiisha QM iney la safteen kooxda Xamaas
“Muddo dheer saraakiisha caalamiga ah waxay eeda u jeedinayeen Israa’iil si ay u qariyaan xaqiiqda falalka Xamaas.” ayuu yiri afhayeenka
Levy wuxuu xusay in Qaramada Midoobay ay ku guuldareysatay inay cambaareyso Xamaas afduubka iyo dagaalka ay ku soo qaadeen Israel.
Dabayaaqadii bishii Oktoobar, Xoghayaha guud ee Qaramada Midoobay António Guterres waxa uu jeediyay khudbad uu si aan mugdi ku jirin ugu cambaareeyay weerarka Xamaas, balse wuxuu sheegay inuusan ku dhicin “meel bannaan,” uuna sabab u ahaa caburin 56 sano lagu nhayey Falastiiniyiinta hadalkaasoo ay Israel ka carootay
