Wararka ka imanaya dalka Nigeria ayaa sheegaya in koox burcad badeed ah ay afduubteen shaqaala saarnaa markab marayey xeebta Bonnyoo u dhaw Port Harcourt.
Shaqaalaha markabkani oo lagu magacaabo Massoel ayaa waxay sheegeen in burcad badeedani ay markabkani oo siday Qamadi ay xoog ku soo koreen.
Burcadda ayaa la dagay 12 ka mid ah 19 shaqaalihii markabka saarnaa.
Shirkadda iska leh markabka ayaan wali shaacin dalalka ay ka soo kala jeedaan shaqaalihii saarnaa markabka la afduubay.
Ciidamada badda ee dalka Nigeria ayaan xaqiijin Karin dhacdadan, balse waxay sheegeen in doomo ay qoryo ku rakiban yihiin halkaasi loo diray si ay baaritaan u sameeyaan.
Weerarada ay qaadaan burcad badeeda ayaa ku sii badanayay biyaha dalka Nigerian muddooyiinkii ugu dambeeyay.
Xafiiska Shabakada Allbanaadir.com
Muqdisho Somalia
Allbanaadir@live.com
