Maxkamadda ciidamada qalabka sida ee Soomaaliya ayaa xukun dil ah ku riday askari katirsanaa ciidanka dowladda Soomaaliya, kaa oo lagu helay in si bareer ah u dilay qof shacab ah oon hubeesneyn.
Xassan Xussen Nuur oo ka Tirsan xoogga dalka gaar ahaan ilaalo qarann ayaa lagu helay in uu dilay Marxuum Xussen Maxamed Xirsi taariikhda marka ay aheyd 28-kii bishii Maarsdo ee sannadkan.
Garsoorka Maxkamadda Ciidamada oo waqti ku filan siisay dhinacyada dacwadda, ayaa ugu dambayn maanta ku xukumay Xassan Xuseen Nuur dil toogasho ahna qasaastii marxuum Xuseen Maxamed Xirsi.
Askarigan dilka geestay ayaa la sheegay in uu ka carrooday fal la xariiray isir naceyb iyo in marxuunka uu dilay ku tilmaamay in uu jareer yahay, waxaana kiiskan uu yahay mid ka duwan kuwii horey caasimadda Muqdisho uga dhici jiray.
