Qarax weyn ayaa ka dhacay magaalada Bologna ee dalka Talyaaniga, sida laga Xiganayo wakaaladda ANSA kaasoo geystay khasaare xoog leh.
Gaadiidka dab damiska iyo gaadiidka gurmadka deg degga ayaa ka qeyb qaatay la tacaalidda dhibaatada,
Waxaa ku dhintay qaraxan illaa shan qof halka 70 kalena ay ku dhaawacmeen, iyadoo 12 ka mid ah dadka dhaawacyadu gaareen ay liitaan.
Muuqaallo laga qabtay qaraxa ayaa dadka deegaanku ay ku baahiyeen Warbaahinta bulshada ay ku kulanto, waxaana muuqanaya uuro madoow oo hawada isku shareertay iyo dab weyn oo ka dhashay qaraxan.
Wararka ayaa sheegaya in qaraxan uu yimid kadib markii gaari booyad ah oo batrool waday uu ku dhacay gaari kale, waxaana halkaas ku gubtay gaadiid fara badan.
Dadka magaalada ayaa bilaabay iney booqdaan isbitaalada, iyagoo dhiig u shubaya dhaawacyada faraha badan ee ka dhashay qaraxan.
Xafiiska Shabakada Allbanaadir.com
Muqdisho Somalia
Allbanaadir@live.com
