Ku-simaha Madaxweynaha Somalia ahna Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa hoygiisa kulan kula qaatay Madaxweynaha Dowlad Goboleedka Jubaland Mudane Axmed Maxamed Islaam (Madoobe).
Madaxweyne Axmed Madoobe ayaa Guddoomiyaha uga warbixiyay xaaladaha guud ee degaanada Jubaland, gaar ahaan amniga degaanada dowlad goboleedkaas, dadkii Ku waxyeeloobay weerarkii Hotel Tawakal ee magaalada Kismaayo, la dagaallanka argagixisada iyo wax ka qabashada dadka ay abaartu saameysay.
Guddoomiyaha Golaha Shacabka BJFS ayaa boggaadiyay in Jubbaland ay dhankeeda ka goâantahay inay ku biirto la dagaalanka kooxda Al-Shabaab, kana qeyb qaadato howlgalada kooxdaas looga sifeynayo dalka.
Madaxweynaha Dowlad Goboleedka Jubaland Mudane Axmed Maxamed Islaam (Madoobe) ayaa ka mid ahaa madaxda dowlad goboleedyada ee Muqdisho kaga qeyb galay shirkii Golaha wadatashiga Qaran ee maalmo ka hor la soo gebagebeeyey.
Xafiiska Shabakada Allbanaadir.com
Muqdisho Somalia
Allbanaadir@live.com
