Madaxweynaha Dowladda Puntland Mudane Siciid Cabdullaahi Deni ayaa maanta Qasriga Madaxtooyada Garoowe ku qaabilay madaxa ugu sareeya Hay’adda Save the Children Soomaaliya Maxamuud Maxamed Xasan.
Waxaa sidoo kale kulankaas goob joog ka ahaa masuuliyiinta Hay’adda ee faraca Puntland.
Kulanka Madaxweyne Deni iyo madaxa Hay’ada Save the children ayaa looga hadlay dardargelinta mashaariicda horumarineed ee Hay’adda Badbaadada Caruurtu ka waddo gobolada Puntland.
Sidoo kale waxaa kulankaas diirada lagu saaray ka qayb-qaadashada gurmadka Abaaraha ka jira degaanada Puntland iyo xoojinta xiriirka wada-shaqaynta Hay’adda iyo Dowladda Puntland.
Hay’ada Save the Children oo ka howlgasha Puntland iyo degaano kale oo ka mid ah Soomaaliya ayaa wada barnaamijyo iyo mashaariic lagu taageerayo dhalaanka.
