Ruushka ayaa markii ugu horraysay Mareykanka ku eedeeyay inuu si toos ah ugu lug leeyahay dagaalka ka socda Ukraine,
Afhayeen u hadlay wasaaradda gaashaandhigga Moscow ayaa sheegay in Mareykanka uu ciidamada Ukraine u calaamadaynayay meelaha ay ku garaacayaan gantaallada uu Mareykanka sameeyay ee Himars.
Gantaalaha Himars waa hub ay ka dhacaan gantaallo wadar ah oo lagu beegsan karo bartilmaameedyo fog oo gaaraya ilaa 70km (45 miles). Waxay gaaraan meelo aad uga fog masaafaha ay gaari jireen gantaallada ay Ukraine horay u haysatay.
Gen. Igor Konashenkov ayaa sheegay in Ruushku uu helay xogta wicitaanno dhex maray saraakiil reer Ukraine ah oo fashilaya xiriirka u dhaxeeya labada dhinac.
Ruushka ayaa horay ugu eedeeyay Washington in ay Ukraine ka waddo dagaal ay gacan kale u adeegsanayso.
Afhayeenka Waaxda Difaaca Mareykanka ee Pentagon-ka ayaa qiray inay Ukraine siiyeen xog faahfaahsan, si ay uga caawiyaan fahamka halista ay wajahayaan iyo inay waddankooda ka difaacaan gardarrada Ruushka.
