Golaha Aqalka Sare ee Baarlamaanka Federaalka Soomaaliya oo maanta yeeshay kulankoodii 5-aad ee Kalfadhiga 1-aad ayaa meel mariyay hab-dhowraha Golaha Aqalka Sare iyo ku xigeenkiisa.
Fadhigii Guud Golaha Aqalka Sare waxaa guddoominayay guddoomiyaha golaha Cabdi Xaashi Cabdullaahi waxaana maanta fadhiga soo xaadiray 39 Senator, waxa ayna ayay goluhu xilka hab-dhowrka u ansaxiyeen:-
1- Senator Samsam Ibraahim Cali Hab-dhowraha Aqalka Sare.
2- Senator Fartuun Cabdulqaadir Faarax (Karaama) Hab-dhowre ku xigeen.
Xildhibaanada Aqalka Sare ayaan wax kulan ah yeelan tan iyo markii la doortay Madaxweynaha Soomaaliya 15-kii bishii hore ee May, waxa ayna golaha Aqalka sare hada bilaabeen shaqadooda caadiga aheyd.
- Advertisement -
