Wasiirka Wasaaradda gaashaandhigga Somalia , Cabdulqaadir Maxamed Nuur ayaa maanta kulan la qaatay magaalada Daarusalaam ee dalka Tanzaniya Wasiirka Difaaca iyo adeegga Qaranka Dalkaasi marwo, Stergomena Lawrence Tax.
Labada Wasiir ayaa ka wada hadlay xoojinta xiriirka Soomaaliya iyo Tanzaniya, gaar ahaan arrimaha amniga gobolka iyo iskaashiga labada Wasaaradood ee difaaca.
Wasiirka gaashaandhigga Soomaaliya , Cabdulqaadir Maxamed Nuur ayaa ugu mahad celiyay dowladda Tanzaniya soo dhoweynta diirran ee ay isaga iyo wafdigiisu u sameeyeen.
Wasiirka Wasaaradda gaashaandhigga Somalia , Cabdulqaadir Maxamed Nuur ayaa sidoo kale kulamo la yeelan doona xubno ka tirsan Jaaliyada Somaaliyeed ee dalkaas ku nool, isagoo kaga warbixinaya xaalada dalka isbedelada siyaasadeed ee ka dhacay.
Xafiiska Shabakada Allbanaadir.com
Muqdisho Somalia
Allbanaadir@live.com
