Sida ay sheegtay heyadda hawada sare u qaabilsan Maraykanka ee NASA, Fiidnimada Axadda, May 15 iyo ilaa saacadaha hore ee Isniinta, May 16, 2022 dayax-madoobaad loo yaqaan “Dayaxa Dhiiga” – ayaa laga arki doonaa Waqooyiga iyo Koonfurta Ameerika, iyo qaybo ka mid ah Yurub iyo Afrika.
Inta ay dhacdadani socoto Dayax ayaa gali doona bartamaha harka dhulka ilaa 84 daqiiqo ama wax ku dhow saacad iyo bar  , isagoo u rogi doona dayaxa midab casaan ah.
Dayax Madoobaadkan ayaan laga arki doonin dalalka qaarada Aasiya, iyo weliba bariga iyo bartamaha Afrika maadaama xiliga uu dhacayo ay iyaga u tahay Maalin, Â hase ahaatee dalalka dhaca galbeedka Afrika ayaa dayax maadoobaadkan arki kara daqiiqado kooban ka hor xiliga waaberiga sida ay sheegtay heyadda hawada sare u qaabilsan Maraykanka ee NASA.
Dayax-madoobaad ayaa dhaca marka dhulka uu kala dhexgalo dayaxa iyo qoraxda maadaama harla dhulka uu qarinayo iftiinkii qoraxda ee gaari lahaa dayaxa taasoo sababeysa waxaa loo yaqaano dayax Madoobaad.
Xafiiska Shabakada Allbanaadir.com
Muqdisho Somalia
Allbanaadir@live.com
