Guddoomiyaha gobolka Banaadir Cumar Maxamud Maxamed (Cumar Filish) ayaa xarunta aqalka Dowlada Hoose ee Xamar kulan kula qaatay Wasiirka Gaadiidka iyo Duulista Hawada ee XFS Duraan Axmed Faarax iyo Mas’uuliyiin kale.
Kulankaan dhax maray Guddoomiyaha gobolka Banaadir iyo masuuliyiinta la socotay wasiirka gaadiidka iyo duulista hawada Soomaaliya ayaa looga hadlay arrimo dhoor ah oo khuseeya garoonka diyaaradaha Aadan Cadde.
Masuuliyiinta ayaana kulankooda iskula gartay sidii dib u habeyn balaaran loogu sameyn lahaa Garoonka Diyaaradaha Adan Cade ee magaalada Muqdisho gaar ahaan in Garoonka loo sameeyo qeyb Gaadiidka lagu Baakimo .
Kulanka ayaa sidoo kale looga hadlay in laga taxadaro dhibaatada ka dhalan karta Taawarada dhaadheer ee kuyaalla garoonka diyaaradaha Aadan Cadde hareerihiisa , waxaana labada dhinac kulmay isla garteen hirgalinta waxaayabaha ay kawada hadleen.
Xafiiska Shabakada Allbanaadir.com
Muqdisho Somalia
Allbanaadir@live.com
https://m.youtube.com/watch?v=uT2zSGGYrQ4
