Wararka ka imaanaya gobolka Galgaduud ayaa sheegaya in maleeshiyaad hubeesan aano qabiil ugu dileen deegaanka Kaxandhaale oo katirsan gobolka Galgaduud , waxaana halkaasi ka jira xiisad cusub.
Dadka deegaanka ayaa ku waramay in kooxo hubeesan ay dileen Hodan Cabdi Jaamac oo aheyd xaamilo, waxa ay sidoo kale kooxdan weerarka geesatay dhaawac gaarsiiyeen qof kale kale oo kamid ah dadka deegaanka.
Ehelada haweeneyda la dilay ayaa meydkeeda u tagay kana qaaday goobta lagu dilay. waxaana wararku sheegayaan in halkaasi ka jiro xiisad salka ku heysa dilka haweeneydan loo geestay.
Deegaanka Kaxandhaale ee gobolka Galgaduud ayaa waxaa kusoo laab laabtay dagaalka salka ku haya aanooyinka qabiil, waxaana marar badan halkaasi ka dhacay dagaalo dhiig badan ku daateen oo u dhaxeeya beelo deegaankaasi wada dega.
Xafiiska Shabakada Allbanaadir.com
Muqdisho Somalia
Allbanaadir@live.com
