Ciidamada Xoogga dalka, gaar ahaan Ururka 80-aad ee Qeybta 27-aad ayaa howlgallo ka dhan ah Al-Shabaab ka sameeyay degaanno hoostaga Degmada Buulo-burte ee gobolka Hiiraan.
howlgalkan ayaa sababay dagaal labada dhinac ku dhexmaray degaano ku yaalla duleedka degmada Buulo-Burde, sida degaanka Ceel-bacaad, waxaana saraakiisha howlgalka hoggaamineysa ay sheegeen inay guulo ka gaareen dagaalka.
Taliyaha Qeybta 27-aad Ciidamada Xooga Dalka Jeneral Axmed Maxamed Calasow Treedisho oo howlgalka hogaaminayay ayaa Warbaahinta u sheegay in howlgalka lagu dilay 31 ka mid ah Al-Shabaab
Sidoo kale waxaa uu sheegay in howlgalka ay Al-Shabaab uga soo furteen 14-qori oo AK-47 ah 1-qori BKM ah iyo 1-qoriga RPG ah, sidoo kalena ay weli Ciidamada howlgalka ka wadaan degaannada hoostaga degmada Buulo-burde.
Ma jiraan warar madax banaan oo xaqiijinaya sheegashada saraakiisha ciidamada DF, Al-shabaab dhinacoodana wax war ah kama soo saarin dagaalkan.
Xafiiska Shabakada Allbanaadir.com
Muqdisho Somalia
Allbanaadir@live.com
