Madaxweyne Cali Guudlaawe oo Muqdisho kula kulmay Nocolas Berlanga (Sawirro)

Madaxweynaha maamul goboleedka Hirshabeelle Mudane Cali Guudlaawe Xuseen ayaa maanta Magaalada Muqdisho kula kulmay safiirka midowga yurub ee Soomaaliya Amb. Nicolas Berlanga Martinez.
 
Kulanka dhax maray Cali Guudlaawe iyo Amb Martinez  ayaa intii uu socday waxaa looga hadlay Arrimaha Dib u Heshiisiinta, hirgalinta iyo fulinta mashaariic horumarineed oo muhiim ah, iyo dhameystirka goleyaasha deegaanka Degmooyinka Hirshabeelle.
 
Waxa sidoo kale labada masuul kulankooda uga hadleen xaalada siyaasadeed ee dalka gaar ahaan muranka ka taagan doorashada Soomaaliya iyo sidii xal looga gaari lahaa muranka taagan.
 
Madaxweynaha maamulka Hirshabelle oo howlo shaqo maalmahan u jooga magaalada Muqdisho ayaa kulamo kala duwan la qaatay qaar kamid ah Wakiilada beesha Caalamka u jooga Soomaaliya.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -