Sii Hayaha xilka Ra’iisul Wasaaraha Soomaaliya Mahdi Maxamed Guuleed Khadar ayaa khadka Taleefonka kula hadlay Ra’iisul Wasaaraha Dalka Lubnan Hassan Diab , waxa uuna uga tacsiyeeyay dadkii ku dhintay qaraxyadii xalay ruxay magaalada Beyruut.
Mahdi Guuleed ayaana u sheegay ra’isul Wasaaraha dalka Lubnaan in aad uga murugeesan yihiin khasaaraha xoogan ee ka dhashay qaraxaasi, waxa uuna u muujiyay in garab taagan yihiin walaalahooda dalka Lubnaan lana qeybsanayaan xanuunka .
Sii hayaha Wasiirka Arrimaha Dibadda xukuumada Soomaaliya Axmed Ciise Cawad ayaa sidoo kale tacsi u diray dowlada iyo shacabka Lubnaan, waxa uuna sheegay in aad uga naxeen qaraxyada dadka badan noloshaada dhaafiyay.
Magaalada Beyruut ee caasimada dalka Lubnaan waxaa xalay ka dhacay qaraxyo aad u xoogan oo galaaftay nolosha dad ku dhaw boqol qof, waxaana qaraxyadan magaalada Beyruut galiyeen xaalad argagax leh.
Xafiiska Shabakada Allbanaadir.com
Muqdisho Somalia
Allbanaadir@live.com
