Waxaa goordhaw qarax jugtiisa laga maqlay qeybo kamid ah magaalada Muqdisho uu ka dhacay agagaarka Barxada Iskaashatooyinka, waxaana qaraxan lagu soo waramayaa in uu khasaaro ka dhashay.
Goobjoogayaal ayaa ku waramay in qaraxu ahaa mid gaari loogu soo xiray sargaal katirsan ciidanka booliiska, gaariga ayaana qarxay xili uu marayay agagaarka hotelka Muna oo ku dhaw barxada iskaashatooyinka.
Sargaalka gaariga watay ayaa warar soo baxaya sheegayaan in qaraxa uu ku geeriyooday, lama ogaan magaca sargaalka qaraxa lagu dilay, sidoo kale wali lama ogaan in dad kale waxyeelo kasoo gaartay qaraxan.
Qaraxyada gaadiidka hoosta looga soo xiro ayaa mararka qaar ka dhaca magaalada Muqdisho, waxaana inta badan qaraxyada nuucaas ah lagu bartilmaameedsadaa wadaha gaariga lagu soo xiro.
Xafiiska Shabakada Allbanaadir.com
Muqdisho Somalia
Allbanaadir@live.com
