Dagaal u dhexeeya labo maleeshiyo beeleed ayaa ka socda degaano ka tirsan duleedka Magaalada Gaalkacyo ee gobolka Mudug.
Maleeshiyaadka uu dagaalka ka dhexeeyo ayaa waxay ka soo kala jeedaan Puntland iyo Galmudug, waxaana la soo werinayaa inuu khasaaro ka dhashay dagaalkaasi.
Dagaalka xoogiisa ayaa waxaa uu ka socdaa degaanka Af-barwaaaqo, waxayna wararku sheegayaan inay qeyb ka yihiin dagaalkan gaadiidka dagaalka ee labada maleeshiyo.
Ugu Yaraan shan qof ayaa ku geeriyootay, kuwaasoo ka mid ah dhinacyada dagaalamaya, halka dhaawacuna uu intaasi ka badan yahay sida ay sheegayaan warar xog ogaal ah
Labada maleeshiyo ayaa isku haysta dhul daaqsimeedka ku yaala deegaanka Afbarwaaqo ee gobolka Mudug, Mana jiraan weli wax war ah oo ka soo baxay maamulada Puntland iyo Galmudug, inkastoo warar soo baxaya sheegayaan iney socdaan dedaalo lagu qaboojinayo xiisada.
Xafiiska Shabakada Allbanaadir.com
Muqdisho Somalia
Allbanaadir@live.com
