Wareegto kasoo baxday Madaxweynaha maamulka Somaliland Muuse Biixi Cabdi ayaa xilalka looga qaaday qaar kamid ah Wakiilo maamulkaasi u joogay Wadamo kuyaala Carabta iyo Yurub.
Wakiilada Madaxweynaha Somaliland xilka ka qaaday ayaa ahaa kuwii u joogay Midowga Yurub, Boqortooyada Ingiriiska, Norwey, Sacuudi Carabiya iyo sidoo kale dalka Yemen, waxaana wakiiladan xilka laga qaaday lagu bedelay kuwa kale oo cusub.
Halkan ka Akhriso Wareegtada Madaxweyne Biixi
Madaxweynaha Somaliland, Mudane Muuse Biixi Cabdi waxa uu wareegtooyin madaxweyne oo summadoodu kala tahay JSL/XM/XKQ/222/1-378/112019 iyo JSL/XM/WM/222-379/112019, uu Xilka qaadis iyo Magacaabid ku sameeyey qaar ka mida wakiilada Somaliland u fadhiya dalalka dibeda.
Waxaanay u dhignaayeen Wareegtooyinka Madaxweynuhu Sidan:-
Wareegtooyin Madaxweyne
XIL KA QAADIS
Ku: Maxamuud Cabdi Dacar
Wakiilkii hore ee Somaliland ee Midowga Yurub
Ku: Ayaan Maxamuud Maxamed
Wakiilkii hore ee Somaliland ee Dalka Boqortooyada Ingiriiska
Ku: Sulub Warsame Xuseen
Wakiilkii hore ee Somaliland ee Dalka Norway
Ku: Cabdalla Muuse Axmed
Wakiilkii hore ee Somaliland ee Dalka Boqortooyada Sucuudi Carabiya
Ku: Cali Maxamed Axmed
Wakiilkii hore ee Somaliland ee Dalka Yaman
Og: Yaasiin Xaaji Maxamuud Xiir
Wasiirka Arrimaha Dibedda iyo Iskaashiga Caalamiga ah.
Ujeeddo: Xil Ka-qaadis
Mudanayaal iyo Marwo,
Sida aad la socotaan, xilka ayey dabcigiisa tahay in uu meerto noqdo, oo hadba loo igmado ciddii hanan karta. Sidaa darteed, waxaan gartay in laga bilaabo taariikhda maanta aan idinka qaado xilkii aad u hayseen . Waxaan idiinka mahad-celinayaa muddadii aad hayseen xilka Qaran.
MAGACAABID
Markaan Arkay: Dastuurka a Somaliland, Qodobka 90aad;
Markaan Tixgeliyey: Ahmiyadda Wakiillada Dibedda ee Somaliland u leeyihiin dhismaha Qaranka;
Markaan Arkay: Aqoontooda, Kartidooda iyo Waaya-aragnimadooda;
Markaan ku Qancay: In ay Hannan Karaan Masuuliyadda ka Dhalanaysa Xilalkan;
Markaan Sameeyey: La-tashi;
Waxaan Go’aamiyey;
In laga bilaabo taariikhda maanta aan xilalkan u magacaabo masuuliyiintan:
1. Cabdi Cabdillaahi Xirsi Maxamed Wakiilka Somaliland ee Boqortooyada Ingiriiska.
2. Salaan Xasan Kayd Cabdille Wakiilka Somaliland ee Midowga Yurub.
3. Yuusuf Maxamed Guuleed Boodhle Wakiilka Somaliland ee Dalka Itoobiya.
4. Maxamed Maxamuud Aadan Samatar Wakiilka Somaliland ee Dalka Norway.
5. Axmed Jaamac Xasan Shire Wakiilka Somaliland ee Dalka Koonfur Afrika.
6. Mustafe Yuusuf Ismaaciil Cali Wakiilka Somaliland ee Dalka Jarmalka.
7. Cali Axmed Cismaan Wakiilka Somaliland ee Dalka Sucuudi Carabiya.
8. Axmed Cali Salaad Maxamed Wakiilka Somaliland ee Dalka Yaman.
9. Barkhad Maxamuud Kaariye Samatar Wakiil Ku-xigeenka Somaliland ee Dalka Itoobiya
Waxaan uga mahad-celinayaa Wakiilladii hore ee Somaliland muddadii ay hayeen xilka Qaranka.
Xafiiska Shabakada Allbanaadir.com
Muqdisho Somalia
Allbanaadir@live.com
