Guddoomiyaha gobolka Banadir ahna duqa magaalada Muqdisho mudane Cumar Maxamud Maxamed (Cumar Filish) ayaa booqasho uu ku tagay safaarada Dowlada Maraykanku ku leedahay Soomaaliya, isagoo la kulmay safiirka Mareykanka u jooga Soomaaliya Amb. Donald Yamamoto.
Kulankan u dhaxeeyay duqa magaalada Muqdisho iyo Ambassador Donald Yamamoto ayaa waxay kaga wada hadleen dhowr qodob oo ay ka mid ahaayeen xoojinta wadashaqeynta maamulka gobolka Banaadir iyo safaarada, Iskaashiga amniga Caasimadda, taageerada mashaariic horumarineed, arimaha barakacayaasha iyo shaqa abuurka.
Safiirka dowlada USA u fadhiya Soomaaliya Amb.Donald Yamamoto ayaa u balan qaaday guddoomiyaha gobolka Banaadir Cumar Maxamud Maxamed (Cumar Filish) in uu maamulkiisa ku garab istaagi doono barnaamij kasta oo lagu horumarinaayo Caasimada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
