Wareegto kasoo baxday Madaxweynaha maamulka Galmudug Axmed Ducaale Geelle Xaaf ayaa xilka looga qaaday Wasiirkii wasaarada Qorshaynta maamulka Galmudug Cabdikaafi Maxamed Maxamuud.
Madaxweyne Xaaf ayaa ku wargaliyay dhamaan Hay’adaha kala duwan dowlada iyo cidii la shaqayn jiray wasiirka Qorsheynta ee xilka laga qaaday in hadda ka dib aysan wax shaqa ah dhex marin.
Wasiirka xilka laga qaaday oo sidoo kale xubin ka ah Guddiga qaban qaabada shirkada Dib u heshiisiinta Galmudug ayaa khilaaf ka dhax abuuray guddiga dhaxdiisa, waxa uuna horey u sheegay Wasiirkan in shirka gogoshiisa taalo Dhuusomareeb uu fashilmay.
Lama oga wasiirkan xilka laga qaaday in uu kasii mid ahaan doono xubnaha guddiga qaban qaabada uu ka ahaa Xoghaye iyo in sidoo kale guddiga laga saari doono maadaama uu ka dhax abuuray xasarad.
Xafiiska Shabakada Allbanaadir.com
Muqdisho Somalia
Allbanaadir@live.com
