Waxaa maanta Marinka Gaza ee dhulka reer Falastiin ka dhacay banaan bax loogu baroor diiqayay 16-qof oo Falastiiniyiin ah oo shalay Ciidamada Yahuuda ku dileen isku dhac ka dhacay Marinka Gaza.
Dad badan oo Falastiiniyiin ah ayaa isugu soo baxay banaan baxa baroor diiqda ah, waxa ayna kor u wadeen meydadka qaar kamid ah dadkii ay Ciidamada Yahuuda shalay ku dileen Marinka Gaza, iyaga oo sidoo kale ku dukaday Salaad Janaazo ah.
Ciidamada Israa’il ayaa shalay rasaas xoogan ku furay Falastiiniyiin dhigayay banaan bax lagu dalbanayay in dhulka Yahuuda xooga ku heesato lagu soo celiyo dadkii horey u lahaa ee u dhashay Falastiin.
Qaramada Midoobay ayaa si kulul u cambaareesay dadka ay shalay dileen Ciidamada Israa’il, waxa uuna ku baaqay Xoghayaha guud ee Qaramada Midoobay Antonio Guterres in guddi baaritaan Madax banaan loo saaro dadkii shalay la laayaya.
Xafiiska Shabakada Allbanaadir.com
Muqdisho Somalia
Allbanaadir@live.com
